Vetni eða metan?

Þetta vetnisæði líklega einum of öfgakennt og ég spyr hreinlega hvort það virkilega verið að hugsa út í raunverulegar afleiðingar fyrir umhverfið þegar á að framleiða vetni fyrir bíla hér á landi eða hreina gróðastefnu Landsvirkjunar?

Undanfarin ár hefur mér fundist ríkisstjórnin draga taum erlendra stórfyrirtækja og stofnana án þess að vera að hugsa um afleiðingarnar á gagnrýninn hátt sérstaklega hvað varðar orkumál og þetta er klassískt dæmi um það. Ekki það að mér sé illa við framþróun en vetni er enn þann dag í dag langt í burtu og langt því frá að vera raunhæfur kostur næstu áratugina.

Metanvæðingin er þegar hafin og merkilegt nokk þarf ekki að reisa risavirkjanir eða framleiða fokdýra „framtíðarbíla“ til að nýta orkuna. Gamla góða sprengivélin dugar með smá breytingum þannig að öll tæknin sem þarf á að halda er í rauninni til staðar og það eina sem er eftir er að breiða hana út.
Útbreiðslan er þegar byrjuð og þrátt fyrir að það sé aðeins ein metanstöð í gangi núna, mun vinsælli en þessi einmanna vetnisdæla hjá Shell hef ég haft af því spurnir að það eigi að opna aðra á höfuðborgarsvæðinu von bráðar.

Verðið á metaninu er líka eitthvað sem gleður.
Vinnubíllinn minn sem er sendiferðabíll með kraftmikilli 2ja lítra metanvél, VW Caddy EcoFuel er að eyða því sem svarar 9 krónum á hvern ekinn kílómeter í borgarakstri á meðan Hyundai Getz; lítill og fisléttur smábíll með 1400cc vél er að eyða um 12 krónum á hvern kílómeter í bensínkostnað (skv. minni mælingu á eyðslu og bensínverði í dag) í svipuðum akstri.

Það metan sem myndast á sorphaugunum í Álfsnesi væri hvort eð er brennt til að draga úr gróðurhúsaáhrifum hauggasins sem eru gríðarlega mikil miðað við koldíoxíð (21 sinnum meiri s.k. metan.is). Metanbílar nýta orkuna sem leysist úr læðingi við brunann og sleppa út vatni og koldíoxíði ef ég skil efnafræðina rétt.
Ruslahaugar eru t.d. ekki eina leiðin fyrir okkur íslendinga til að sækja eldsneyti á bíla en ég las það einmitt í Bændablaðinu í vor að það sé hægt að knýja allan bílaflota landsins með því metangasi sem myndast í fjóshaugum landsins. Ég myndi kalla það ágætis aukabúgrein fyrir kúabændur.

Hvernig sem hlutirnir enda, þá er ég alveg á því að metanbílar og smábílar (sem gætu hvort sem er gengið fyrir bensíni eða dísel) ættu að fá jafnvel enn meiri forgang en nú í kerfinu.

(Þetta átti upphaflega að vera svar á blogginu hans Ómars en það endaði svona...)

Fyrsti vetnisfólksbílinn tekinn í gagnið